Aksioni për një Kosovë të pastër sot në Ferizaj ka vazhduar me largimin e deponive të egra në fshatin Sojevë të Ferizajt.
Ky aksion i cili është kryer nga KRM “Pastërtia” në bashkëpunim me Komunën e Ferizajt dhe GIZ-in gjerman, për të larguar deponi të egra të krijuara në pjesë të ndryshme të fshatit.
Banorët e Sojevës edhe më parë kanë marr aksione për largimin e deponive të egra, por ato sërish po krijohen nga pakujdesia e banorëve të këtij fshati.
“Kjo është deponia e radhës e cila po largohet në kuadër të projektit “Gara e Kosovës për Mjedis të Pastër”. Aksioni është realizuar në bashkëpunim me Komunën e Ferizajt dhe GIZ-in. Ne, do të vazhdojmë të jemi në teren derisa të krijojmë një ambient të pastër, ndërsa në kuadër të garës për pastrimin e Kosovës do të synojm që të jemi të parët. Nëse fitojmë këtë çmim do të rriten mundësitë, që me mjetet e fituara të krijohen kushte më të mira për mirëmbajtje”, tha Arbër Ibrahimi, zëdhënës I KRM “ Pastërtia”
Aksionin në fjalë e ka përshëndetur edhe këshilltari në Asmablenë Komunale nga ky fshat.
“Falëndërojmë kompaninë, GiZ-in dhe udhëheqjen e fshatit për këtë iniciativë, për pastrimin dhe largimin e deponive të egra, në mënyrë që të krijohen kushte e të kemi një ambient më të pastër. Shpresoj që qytetarët pas largimit të këtyre deponive, do të jenë ata të cilët do të kujdesen që ta mbajnë këtë ambient të paster”, tha Shpejtim Sojeva, këshilltar komunal në Ferizaj.
Këshilltari Sojeva, tha se ka propozuar që edhe kuvendi komunal të marrë një vendim që të krijohen kushte për kompaninë “Pastërtia”, për të përballuar vëllimin e punës.
“Kam propozuar edhe në Asamblenë Komunale që kjo kompani, për faktin se është Publike të ketë edhe një ndihmë nga komuna në inkasimin e mjeteve, pasi ngecja në këtë drejtim po shkakton edhe problem në mirëmbajtjen dhe punën e kësaj kompanie. Kam propozuar që interesi I përgjithshëm të vehet para atij individual, si dhe komuna të ndihmoj në inkasimin e borxheve të kësaj kompanie të cilat janë shumë të mëdha nga ana e qytetarëve dhe bizneseve”, tha Sojeva.
Në këtë aksion të pastrimit të deponive ishte edhe përfaqësuesi I GIZ-it, Sherif Ademi, i cili ka faklënderuar kompaninë “Pastërtia” dhe udhëheqjen Komunale për gatishmërinë dhe bashkëpunimin që e ofron, për të pasur një ambient më të pastër.
“Falenderojm drejtorin e “Pastërtia” por edhe kryetarin e Komunes Muharrem Svarqa, që kanë shprehur gatishmeri ta përkrahin këtë aksion dhe falë kësaj edhe po shihen rezultatet. Jemi duke punuar që pastërtia të jetë në rend të parë si dhe të krijohet një shprehi në ruajtjen e ambientit”, tha Sherif Ademi, përfaqësuaes i GIZ-it.
Perfaqësues të GIZ-it apelojnë te përfaqësuesit e fshatrave të cilat kanë deponi të egra, të bëjnë kërkesë tek zyrat e GiZ-it, që të hyjnë në projektin e pastrimit të këtyre deponive.